Според истражувањето, дури четвртина од патниците од Франција, Германија, Шведска, Португалија и Холандија во текот на 2026 година планираат летување во својата земја. Оние кои сепак патуваат во странство, сè почесто избираат пократки релации и помали метежи.
Руралните и помирните дестинации се сè побарани
Голем раст бележат селата, крајбрежните и планинските предели, особено во Франција и Германија, каде што повеќе од половината од летните резервации се однесуваат токму на рурални дестинации.
Популарен станува и трендот на групни патувања, па бројот на резервации за четири или повеќе лица значително е зголемен во Шпанија, Португалија и Шведска, бидејќи патниците на тој начин полесно ги делат трошоците за сместување и превоз.
Извор: Magnific/f11photo
Каде Европјаните најмногу патуваат ова лето
Меѓу дестинациите кои бележат најголем раст на интересот се наоѓаат следниве региони и места:
- Трентино-Јужен Тирол (Италија): Овој италијански регион е широко познат по Доломитите, планинските патеки и преубавите езера.
- Нормандија (Франција): Сè повеќе туристи избираат помали француски села како што се Beuvron-en-Auge, Blangy-le-Château и Veules-les-Roses, кои важат за едни од најубавите во земјата.
- Руралните делови на Шведска: Германските туристи сè почесто заминуваат во овие предели, па градовите како Векше (Växjö), Калмар (Kalmar), Кристијанстад (Kristianstad) и Јеншепинг (Jönköping) бележат голем пораст на резервациите.
- Валона / Влора (Албанија): Овој албански крајбрежен град бележи голема популарност, а интересот за него е речиси удвоен во последните две години.
Извор: Magnific/bearfotos
Мадеира меѓу најбараните дестинации
Меѓу дестинациите кои се особено во тренд се наоѓа и Мадеира, која според Tripadvisor е прогласена за една од најпопуларните дестинации на годината, пренесува Euronews.
Островот бележи континуиран раст на интересот меѓу британските и холандските туристи, пред сè поради недопрената природа, пријатната клима и поповолните цени во споредба со многу други медитерански дестинации.
Извор: bizlife.rs
